hum jo ghabraen zamane se to ghar jate hain

ham jo ghabrā.eñ zamāne se to ghar jaate haiñ

jin ke ghar hī nahīñ hote vo kidhar jaate haiñ

saarī bātoñ kī hai ik baat ki kuchh bātoñ se

dil meñ utre hue bhī dil se utar jaate haiñ

da.ave karte haiñ vahī log jo kuchh karte nahīñ

jin ko karnā ho vo kahte nahīñ kar jaate haiñ

ham ko hai naaz bahut zabt pe apne lekin

dil agar TuuTe to phir ashk biphar jaate haiñ

sūrat-e-hāl ne sūrat hī badal ke rakh dī

log hairān se takte haiñ jidhar jaate haiñ

ham to vo haiñ ki agar bahr-e-sajal meñ utreñ

naav jis ruḳh ho ta.āqub meñ bhañvar jaate haiñ

zindagī maut ke pahlū meñ simaT jā.egī

jab bhī ye sochte haiñ soch ke mar jaate haiñ

hum jo ghabraen zamane se to ghar jate hain

jin ke ghar hi nahin hote wo kidhar jate hain

sari baaton ki hai ek baat ki kuchh baaton se

dil mein utre hue bhi dil se utar jate hain

dawe karte hain wahi log jo kuchh karte nahin

jin ko karna ho wo kahte nahin kar jate hain

hum ko hai naz bahut zabt pe apne lekin

dil agar TuTe to phir ashk biphar jate hain

surat-e-haal ne surat hi badal ke rakh di

log hairan se takte hain jidhar jate hain

hum to wo hain ki agar bahr-e-sajal mein utren

naw jis ruKH ho taaqub mein bhanwar jate hain

zindagi maut ke pahlu mein simaT jaegi

jab bhi ye sochte hain soch ke mar jate hain