hum jo kisi pahaD par apni dua utarte

ham jo kisī pahāḌ par apnī du'ā utārte

karte kalām baa'd meñ pahle ḳhudā utārte

ham ko diyā gayā hai jo ham pe tirī 'atā hai vo

ham bhī isī liye nahīñ bār-e-ḳhatā utārte

kamra mahak uThā mirā khulne lagā vujūd bhī

āñkheñ chamakne lag ga.iiñ bāb-e-vafā utārte

aanā thā aap ne agar karte hameñ to kuchh ḳhabar

aap kī rah meñ har taraf bād-e-sabā utārte

kitnā vafā-shi'ār thā dar se mire nahīñ uThā

rote hue guzār dī rang-e-hinā utārte

diin pe jo nahīñ the log chāñd pe vo chale ga.e

ham to rahe zamīn par fatve sadā utārte

jin pe bahut hī naaz thā dost vahī chale ga.e

is se baḌā 'adīm' par bojh vo kyā utārte

hum jo kisi pahaD par apni du'a utarte

karte kalam ba'd mein pahle KHuda utarte

hum ko diya gaya hai jo hum pe teri 'ata hai wo

hum bhi isi liye nahin bar-e-KHata utarte

kamra mahak uTha mera khulne laga wujud bhi

aankhen chamakne lag gain bab-e-wafa utarte

aana tha aap ne agar karte hamein to kuchh KHabar

aap ki rah mein har taraf baad-e-saba utarte

kitna wafa-shi'ar tha dar se mere nahin uTha

rote hue guzar di rang-e-hina utarte

din pe jo nahin the log chand pe wo chale gae

hum to rahe zamin par fatwe sada utarte

jin pe bahut hi naz tha dost wahi chale gae

is se baDa 'adim' par bojh wo kya utarte