hum jo sare jahan wale hain

ham jo saare jahān vaale haiñ

gum-shuda dāstān vaale haiñ

kyoñ na barsāt meñ hoñ ḳhaufzada

vo jo kachche makān vaale haiñ

ham ġharīboñ se kyoñ nahīñ milte

kyā vo ūñchī uḌaan vaale haiñ

TuuTī qabroñ se aa rahī hai sadā

be-nishāñ bhī nishān vaale haiñ

ham ko showcase meñ sajā leñge

jab vo ūñchī dūkān vaale haiñ

raah meñ vo bhaTak nahīñ sakte

jo baḌī aan baan vaale haiñ

maut se bhī kahīñ nahīñ Darte

ham baḌī saḳht jaan vaale haiñ

band kamre meñ rah nahīñ sakte

ham khule sā.ebān vaale haiñ

ūñche mahloñ pe naaz kyoñ hai tumheñ

ham bhī to āsmān vaale haiñ

soch kar koī guftugū kījiye

dar-o-dīvār kaan vaale haiñ

pyaar sheva hamārā hai 'gauhar'

ham bhī hindostān vaale haiñ

hum jo sare jahan wale hain

gum-shuda dastan wale hain

kyon na barsat mein hon KHaufzada

wo jo kachche makan wale hain

hum gharibon se kyon nahin milte

kya wo unchi uDan wale hain

TuTi qabron se aa rahi hai sada

be-nishan bhi nishan wale hain

hum ko showcase mein saja lenge

jab wo unchi dukan wale hain

rah mein wo bhaTak nahin sakte

jo baDi aan ban wale hain

maut se bhi kahin nahin Darte

hum baDi saKHt jaan wale hain

band kamre mein rah nahin sakte

hum khule saeban wale hain

unche mahlon pe naz kyon hai tumhein

hum bhi to aasman wale hain

soch kar koi guftugu kijiye

dar-o-diwar kan wale hain

pyar shewa hamara hai 'gauhar'

hum bhi hindostan wale hain