hum kahan aur kahan rasm-o-rah-e-am-e-ghazal

ham kahāñ aur kahāñ rasm-o-rah-e-'ām-e-ġhazal

jaane kis shoḳh ke sar jā.egā ilzām-e-ġhazal

tere lahje kī halāvat tirī āvāz kā loch

ik 'ajab rang se chhalkā hai sar-e-jām-e-ġhazal

haath aayā bhī kahīñ husn-e-gurezāñ kā jamāl

DhūñDhtī phirtī hai kis ko havas-e-ḳhām-e-ġhazal

jaane kyā chiiz thī zikr-e-lab-o-ruḳhsār kī zau

sub.h ban jaatī hai afsurdagī-e-shām-e-ġhazal

mere āhang meñ ghultī rahī taqdīr-e-bahār

mere alfāz meñ Dhalte rahe asnām-e-ġhazal

ek muddat se jo mahsūs-e-dil-o-jāñ thī 'urūj'

us ḳhalish ko bhī diyā ham ne magar nām-e-ġhazal

hum kahan aur kahan rasm-o-rah-e-'am-e-ghazal

jaane kis shoKH ke sar jaega ilzam-e-ghazal

tere lahje ki halawat teri aawaz ka loch

ek 'ajab rang se chhalka hai sar-e-jam-e-ghazal

hath aaya bhi kahin husn-e-gurezan ka jamal

DhunDhti phirti hai kis ko hawas-e-KHam-e-ghazal

jaane kya chiz thi zikr-e-lab-o-ruKHsar ki zau

subh ban jati hai afsurdagi-e-sham-e-ghazal

mere aahang mein ghulti rahi taqdir-e-bahaar

mere alfaz mein Dhalte rahe asnam-e-ghazal

ek muddat se jo mahsus-e-dil-o-jaan thi 'uruj'

us KHalish ko bhi diya hum ne magar nam-e-ghazal