hum kahan azmat aslaf sambhaale hue hain

ham kahāñ azmat aslāf sambhāle hue haiñ

bas tire ishq se māthe ko ujāle hue haiñ

qais o farhād ta.iiñ apne havāle hue haiñ

ya.anī ham masnad-e-ushshāq sambhāle hue haiñ

jab bhī palTe haiñ hameñ haar dikhā.ī dī hai

ham ne sikke ye ka.ī baar uchhāle hue haiñ

pyaas lagtī hai inheñ dekh ke ai dasht-nashīñ

terī āñkheñ haiñ yā paanī ke pyāle hue haiñ

ham ne ik umr kitāboñ ke havāle kī hai

tab kahīñ jā ke kitāboñ ke havāle hue haiñ

ā.īna ban ke khaḌe haiñ tire dar par chup-chāp

kab tire sāmne ham bolne vaale hue haiñ

suud baḌhtā gayā sāñsoñ kā hamāre uupar

ham mohabbat meñ tirī qarz se kaale hue haiñ

maiñ bhī phir baiTh gayā dekhne qissa kyā hai

ret giilī hai yā phir paañv meñ chhāle hue haiñ

hum kahan azmat aslaf sambhaale hue hain

bas tere ishq se mathe ko ujale hue hain

qais o farhad tain apne hawale hue hain

yani hum masnad-e-ushshaq sambhaale hue hain

jab bhi palTe hain hamein haar dikhai di hai

hum ne sikke ye kai bar uchhaale hue hain

pyas lagti hai inhen dekh ke ai dasht-nashin

teri aankhen hain ya pani ke pyale hue hain

hum ne ek umr kitabon ke hawale ki hai

tab kahin ja ke kitabon ke hawale hue hain

aaina ban ke khaDe hain tere dar par chup-chap

kab tere samne hum bolne wale hue hain

sud baDhta gaya sanson ka hamare upar

hum mohabbat mein teri qarz se kale hue hain

main bhi phir baiTh gaya dekhne qissa kya hai

ret gili hai ya phir panw mein chhaale hue hain