hum kal is anjuman se jo paDh kar ghazal gae

ham kal is anjuman se jo paḌh kar ġhazal ga.e

kahte haiñ un kī āñkhoñ meñ sāgar machal ga.e

roī sahar to husn ke manzar badal ga.e

shabnam kī choT khaa.ī to patthar pighal ga.e

aise bhī moḌ aa.e rah-e-'ishq meñ jahāñ

ham ḳhud hī apne aap se bach kar nikal ga.e

agle se ab kahāñ haiñ vo tishna-labān-e-shauq

shīshe badal ga.e mai-o-sāġhar badal ga.e

ab dekh tere shahr kī galiyāñ udaas haiñ

dīvāne tere shahr se bāhar nikal ga.e

tum saath the to goyā zamāna bhī saath thā

badle jo tum to vaqt ke tevar badal ga.e

ham ahl-e-ġham kā kyā ki bahār un ke naam par

bahlā diyā kisī ne to aksar bahal ga.e

hum kal is anjuman se jo paDh kar ghazal gae

kahte hain un ki aankhon mein sagar machal gae

roi sahar to husn ke manzar badal gae

shabnam ki choT khai to patthar pighal gae

aise bhi moD aae rah-e-'ishq mein jahan

hum KHud hi apne aap se bach kar nikal gae

agle se ab kahan hain wo tishna-laban-e-shauq

shishe badal gae mai-o-saghar badal gae

ab dekh tere shahr ki galiyan udas hain

diwane tere shahr se bahar nikal gae

tum sath the to goya zamana bhi sath tha

badle jo tum to waqt ke tewar badal gae

hum ahl-e-gham ka kya ki bahaar un ke nam par

bahla diya kisi ne to aksar bahal gae