hum ko aashuftagi ne mara hai

ham ko āshuftagī ne maarā hai

har qadam sar-kashī ne maarā hai

chhoḌā dāman ajal-navāz ne to

raah meñ zindagī ne maarā hai

dostī bādaloñ se hai merī

phir bhī tishna-labī ne maarā hai

ik bulandī ne saath kyā chhoḌā

pastiyoñ meñ sabhī ne maarā hai

ahl-e-hikmat ne jab baġhāvat kī

raah kī ḳhud-sarī ne maarā hai

dil hai vo aa.ina jise 'tābish'

sang shīsha-garī ne maarā hai

hum ko aashuftagi ne mara hai

har qadam sar-kashi ne mara hai

chhoDa daman ajal-nawaz ne to

rah mein zindagi ne mara hai

dosti baadalon se hai meri

phir bhi tishna-labi ne mara hai

ek bulandi ne sath kya chhoDa

pastiyon mein sabhi ne mara hai

ahl-e-hikmat ne jab baghawat ki

rah ki KHud-sari ne mara hai

dil hai wo aaina jise 'tabish'

sang shisha-gari ne mara hai