hum ko bhi to husn ka didar hona chahiye

ham ko bhī to husn kā dīdār honā chāhiye

gar ho tum bīmār to bīmār honā chāhiye

jhuuT sach ko aaj to pahchānñā mushkil huā

jhuuT kā sach kā alag aḳhbār honā chāhiye

buz-diloñ ko is jahāñ meñ pūchhtā koī nahīñ

tujh ko duniyā se na yuuñ bezār honā chāhiye

is meñ hai kis kī taraqqī is meñ aisā kyā hunar

har bashar ke paas bas ghar-bār honā chāhiye

apne dushman ke liye bhī hai mirā ye mashvara

tiir jab chhoḌo jigar ke paar honā chāhiye

tum siyāsat ke bharose aaj tak luTte rahe

peḌ koī ho magar phaldār honā chāhiye

tum hī 'tanhā' ab to duniyā meñ akele rah ga.e

tum ko is duniyā se ab hamvār honā chāhiye

hum ko bhi to husn ka didar hona chahiye

gar ho tum bimar to bimar hona chahiye

jhuT sach ko aaj to pahchanna mushkil hua

jhuT ka sach ka alag aKHbar hona chahiye

buz-dilon ko is jahan mein puchhta koi nahin

tujh ko duniya se na yun bezar hona chahiye

is mein hai kis ki taraqqi is mein aisa kya hunar

har bashar ke pas bas ghar-bar hona chahiye

apne dushman ke liye bhi hai mera ye mashwara

tir jab chhoDo jigar ke par hona chahiye

tum siyasat ke bharose aaj tak luTte rahe

peD koi ho magar phaldar hona chahiye

tum hi 'tanha' ab to duniya mein akele rah gae

tum ko is duniya se ab hamwar hona chahiye