hum ko dars-e-ulfat-o-mehr-o-wafa dete hue

ham ko dars-e-ulfat-o-mehr-o-vafā dete hue

ḳhud ko parkhā aap ne ye mashvara dete hue

hai bahut bezār apnī zindagī se vo magar

jā rahā hai sab ko jiine kī duā dete hue

faisla ik hai gunah kā jab kiyā us ne ġhalat

kaañp uTThā haath munsif kā sazā dete hue

parvarish hotī hai bachche kī ye us kī shaan hai

kis ne dekhā batn-e-mādar meñ ġhizā dete hue

chiir kar dariyā kā siina be-ḳhatar utre haiñ paar

hādse guzre haiñ ham ko rāsta dete hue

baap ke aañsū na thamte the ajab manzar thā vo

qabr par beTe kī apne fātiha dete hue

hil nahīñ sakte yahāñ se chāhe madfan hī bane

ham nahīñ vo jo chale jaa.eñ sadā dete hue

maiñ ki shashdar rah gayā saaqī kī harakat dekh kar

jaam laayā aur aage baḌh gayā dete hue

jab tumheñ fursat mile to shauq se aao 'habīb'

hañste hañste kah diyā us ne pata dete hue

hum ko dars-e-ulfat-o-mehr-o-wafa dete hue

KHud ko parkha aap ne ye mashwara dete hue

hai bahut bezar apni zindagi se wo magar

ja raha hai sab ko jine ki dua dete hue

faisla ek hai gunah ka jab kiya us ne ghalat

kanp uTTha hath munsif ka saza dete hue

parwarish hoti hai bachche ki ye us ki shan hai

kis ne dekha batn-e-madar mein ghiza dete hue

chir kar dariya ka sina be-KHatar utre hain par

hadse guzre hain hum ko rasta dete hue

bap ke aansu na thamte the ajab manzar tha wo

qabr par beTe ki apne fatiha dete hue

hil nahin sakte yahan se chahe madfan hi bane

hum nahin wo jo chale jaen sada dete hue

main ki shashdar rah gaya saqi ki harakat dekh kar

jam laya aur aage baDh gaya dete hue

jab tumhein fursat mile to shauq se aao 'habib'

hanste hanste kah diya us ne pata dete hue