hum ko kab intizar hai fasl-e-bahaar ho na ho

ham ko kab intizār hai fasl-e-bahār ho na ho

dāġh-e-jigar shagufta bād-e-gul ba-kanār ho na ho

dard tū mere paas se marte talak na jā.iyo

tāqat-e-sabr ho na ho tāb-o-qarār ho na ho

sub.h to huī hai der kyā terī balā se sāqiyā

jām-e-sharāb tū to de ham ko ḳhumār ho na ho

tīr-e-nigah lagā ke tum kahte ho phir lagā na ḳhuub

merā to kaam ho gayā siine ke paar ho na ho

tālib-e-yak-nazāra huuñ itnā bhī mujh se bair kyā

muñh to mirī taraf ko ho go ki do-chār ho na ho

halqa-e-dar hai halqa-zan koī bhalā ḳhabar to lo

dil mirā shādi-marg hai hai vahī yaar ho na ho

'hātim' agar gunāh kare shikva na kar ḳhudā se Dar

fidvī jāñ-nisār hai tū bhī hazār ho na ho

hum ko kab intizar hai fasl-e-bahaar ho na ho

dagh-e-jigar shagufta baad-e-gul ba-kanar ho na ho

dard tu mere pas se marte talak na jaiyo

taqat-e-sabr ho na ho tab-o-qarar ho na ho

subh to hui hai der kya teri bala se saqiya

jam-e-sharab tu to de hum ko KHumar ho na ho

tir-e-nigah laga ke tum kahte ho phir laga na KHub

mera to kaam ho gaya sine ke par ho na ho

talib-e-yak-nazara hun itna bhi mujh se bair kya

munh to meri taraf ko ho go ki do-chaar ho na ho

halqa-e-dar hai halqa-zan koi bhala KHabar to lo

dil mera shadi-marg hai hai wahi yar ho na ho

'hatim' agar gunah kare shikwa na kar KHuda se Dar

fidwi jaan-nisar hai tu bhi hazar ho na ho