hum ko kuchh yaad nahin tere siwa bhul gae

ham ko kuchh yaad nahīñ tere sivā bhuul ga.e

apnī sūrat hī nahīñ apnī sadā bhuul ga.e

kūcha-e-chashm ke sab naqsh o navā bhuul ga.e

ham pe vo vaqt paḌā shor-e-anā bhuul ga.e

maiñ akelā hī rahā barg-o-samar se ḳhālī

mausam-e-gul meñ mujhe mere ḳhudā bhuul ga.e

maut aur hijr-e-musalsal meñ koī farq nahīñ

tū to phir tū hai ham apnī vafā bhuul ga.e

ab ke yuuñ raakh huā manzar-e-āhū-chashmāñ

dasht ai dasht tirī pichhlī havā bhuul ga.e

itnā bikhrā huā lahja yahāñ 'lutf-ur-rahmān'

aap bhī apnī vo kuchh tarz-e-adā bhuul ga.e

hum ko kuchh yaad nahin tere siwa bhul gae

apni surat hi nahin apni sada bhul gae

kucha-e-chashm ke sab naqsh o nawa bhul gae

hum pe wo waqt paDa shor-e-ana bhul gae

main akela hi raha barg-o-samar se KHali

mausam-e-gul mein mujhe mere KHuda bhul gae

maut aur hijr-e-musalsal mein koi farq nahin

tu to phir tu hai hum apni wafa bhul gae

ab ke yun rakh hua manzar-e-ahu-chashman

dasht ai dasht teri pichhli hawa bhul gae

itna bikhra hua lahja yahan 'lutf-ur-rahman'

aap bhi apni wo kuchh tarz-e-ada bhul gae