hum ko na mila is liye aaram abhi tak

ham ko na milā is liye ārām abhī tak

badlā na ruḳh-e-gardish-e-ayyām abhī tak

allāh tirī shān-e-karīmī ke maiñ sadqe

bantā hī rahā ḳhair se har kaam abhī tak

tadbīr na kaam aa.ī koī bād-e-sabā kī

ruḳh se na haTī zulf-e-siyah-fām abhī tak

mahrūm huuñ saaqī maiñ terī chashm-e-karam se

mujh ko na milā bazm meñ ik jaam abhī tak

bahlātā huuñ de kar dil-e-muztar ko tasallī

kaTtī hai yūñhī apnī sahar shaam abhī tak

ādāb-e-mohabbat se jo vāqif hī nahīñ the

haiñ kūcha-o-bāzār meñ badnām abhī tak

samjhā thā 'rafīq' apnā jinheñ maiñ ne jahāñ meñ

aayā na musībat meñ koī kaam abhī tak

hum ko na mila is liye aaram abhi tak

badla na ruKH-e-gardish-e-ayyam abhi tak

allah teri shan-e-karimi ke main sadqe

banta hi raha KHair se har kaam abhi tak

tadbir na kaam aai koi baad-e-saba ki

ruKH se na haTi zulf-e-siyah-fam abhi tak

mahrum hun saqi main teri chashm-e-karam se

mujh ko na mila bazm mein ek jam abhi tak

bahlata hun de kar dil-e-muztar ko tasalli

kaTti hai yunhi apni sahar sham abhi tak

aadab-e-mohabbat se jo waqif hi nahin the

hain kucha-o-bazar mein badnam abhi tak

samjha tha 'rafiq' apna jinhen main ne jahan mein

aaya na musibat mein koi kaam abhi tak