hum na jaenge rahnuma ke qarib
ham na jā.eñge rahnumā ke qarīb
luuT legā hameñ bulā ke qarīb
ābdīda hai ishrat-e-duniyā
kis qadar ġham haiñ be-navā ke qarīb
ik parinda lapak ke pahuñchā thā
phir bhī pyāsā rahā ghaTā ke qarīb
zarf-e-dil aazmā rahī hai sharāb
jaam rakkhe haiñ pārsā ke qarīb
chashm-e-pur-nam vo aaj uTThe haiñ
kal jo baiThe the muskurā ke qarīb
un se pūchhā ki zindagī kyā hai
ik diyā rakh diyā bujhā ke qarīb
fāsle raaz darmiyāñ haiñ magar
aadmī phir bhī hai ḳhudā ke qarīb
hum na jaenge rahnuma ke qarib
luT lega hamein bula ke qarib
aabdida hai ishrat-e-duniya
kis qadar gham hain be-nawa ke qarib
ek parinda lapak ke pahuncha tha
phir bhi pyasa raha ghaTa ke qarib
zarf-e-dil aazma rahi hai sharab
jam rakkhe hain parsa ke qarib
chashm-e-pur-nam wo aaj uTThe hain
kal jo baiThe the muskura ke qarib
un se puchha ki zindagi kya hai
ek diya rakh diya bujha ke qarib
fasle raaz darmiyan hain magar
aadmi phir bhi hai KHuda ke qarib
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
