ham-nashin ab meri tanhai ki tanhai hai

ham-nashīñ ab mirī tanhā.ī kī tanhā.ī hai

ab shab-o-roz meñ had-darja shanāsā.ī hai

tujh se milne kī ḳhushī hai na bichhaḌne kā alam

zindagī mujh ko ye kis moḌ pe le aa.ī hai

har qadam aa.ina dīvāna huā jaatā hai

har jagah kis kā ye aks-e-ruḳh-e-zebā.ī hai

aaj phir zaḳhm mire dil kā lahū rotā hai

aaj phir un kī galī ho ke sabā aa.ī hai

chāhiye chashm-e-fusūñ-gar ko shahādat kitnī

zarra zarra mirī vahshat kā tamāshā.ī hai

apne pindār meñ mahsūr hai har ek 'qamar'

apne hī dar pe shab-o-roz jabīñ-sā.ī hai

ham-nashin ab meri tanhai ki tanhai hai

ab shab-o-roz mein had-darja shanasai hai

tujh se milne ki KHushi hai na bichhaDne ka alam

zindagi mujh ko ye kis moD pe le aai hai

har qadam aaina diwana hua jata hai

har jagah kis ka ye aks-e-ruKH-e-zebai hai

aaj phir zaKHm mere dil ka lahu rota hai

aaj phir un ki gali ho ke saba aai hai

chahiye chashm-e-fusun-gar ko shahadat kitni

zarra zarra meri wahshat ka tamashai hai

apne pindar mein mahsur hai har ek 'qamar'

apne hi dar pe shab-o-roz jabin-sai hai