humne ai dost rifaqat se bhala kya paya

ham ne ai dost rifāqat se bhalā kyā paayā

jū-e-be-āb hai tū maiñ shajar-e-be-sāya

dard jo aql ke isrāf se bach rahtā hai

ishq ke qaht-zadoñ kā hai vahī sarmāyā

dīda-o-dil se guzartā hai koī shaḳhs aksar

jaise āhū-e-ramīda kā gurezāñ saayā

kal faqat gesū-e-barham the nishān-e-tashvīsh

aaj dekhā to unheñ aur pareshāñ paayā

husn se jab bhī chhiḌā mārka-e-dīda-o-dil

ḳhud mirā ishq mire madd-e-muqābil aayā

maiñ huuñ ḳhud apnī hī ḳhākistar-e-jāñ meñ madfūn

dafn ho jaise ḳharābe meñ koī sarmāyā

hum ne ai dost rifaqat se bhala kya paya

ju-e-be-ab hai tu main shajar-e-be-saya

dard jo aql ke israf se bach rahta hai

ishq ke qaht-zadon ka hai wahi sarmaya

dida-o-dil se guzarta hai koi shaKHs aksar

jaise aahu-e-ramida ka gurezan saya

kal faqat gesu-e-barham the nishan-e-tashwish

aaj dekha to unhen aur pareshan paya

husn se jab bhi chhiDa marka-e-dida-o-dil

KHud mera ishq mere madd-e-muqabil aaya

main hun KHud apni hi KHakistar-e-jaan mein madfun

dafn ho jaise KHarabe mein koi sarmaya