humne bata diya jo hamara KHayal hai

ham ne batā diyā jo hamārā ḳhayāl hai

tum bhī kaho jo dil meñ tumhāre savāl hai

ye aur baat roz hī khāne meñ daal hai

lekin ai mere laa'l ye rizq-e-halāl hai

ye baat kahte kahte ka.ī saal ho ga.e

us ke baġhair ab mirā jiinā muhāl hai

tum hī nahīñ udaas ho kul kā.enāt meñ

sab ke diloñ meñ koī na koī malāl hai

aise bhī log haiñ jinheñ roTī nahīñ nasīb

aise bhī haiñ ki jin ke liye shīrmāl hai

har shaḳhs paḌh rahā hai ḳhushī se mirī ġhazal

merī ġhazal meñ aap kā husn-o-jamāl hai

paayā hai maiñ ne jo mujhe us kī ḳhushī nahīñ

khoyā hai maiñ ne jo mujhe us kā malāl hai

jī chāhtā hai le ke use bhaag jā.ūñ maiñ

ai 'saif' us kā baap magar kotvāl hai

hum ne bata diya jo hamara KHayal hai

tum bhi kaho jo dil mein tumhaare sawal hai

ye aur baat roz hi khane mein dal hai

lekin ai mere la'l ye rizq-e-halal hai

ye baat kahte kahte kai sal ho gae

us ke baghair ab mera jina muhaal hai

tum hi nahin udas ho kul kaenat mein

sab ke dilon mein koi na koi malal hai

aise bhi log hain jinhen roTi nahin nasib

aise bhi hain ki jin ke liye shirmal hai

har shaKHs paDh raha hai KHushi se meri ghazal

meri ghazal mein aap ka husn-o-jamal hai

paya hai main ne jo mujhe us ki KHushi nahin

khoya hai main ne jo mujhe us ka malal hai

ji chahta hai le ke use bhag jaun main

ai 'saif' us ka bap magar kotwal hai