humne dekha hai bhare shahr mein saya apna

ham ne dekhā hai bhare shahr meñ saayā apnā

ek sūraj hai pas-e-pusht parāyā apnā

ġham-kada ashk-e-musalsal se nihāl-e-shab hai

zaḳhm-e-tāza ko dar-e-yār banāyā apnā

chāñd se paar koī raat baserā Daale

ham se pūchhe hai koī ḳhuun bahāyā apnā

ab to har shakl yahāñ zeb-e-numā.ish Thahrī

ham ne tamsīl-nagar aisā basāyā apnā

duḳhtar-e-mashriq-o-maġhrib ko bhī dekho 'kausar'

ruuh ko aam kiyā kuchh na chhupāyā apnā

hum ne dekha hai bhare shahr mein saya apna

ek suraj hai pas-e-pusht paraya apna

gham-kada ashk-e-musalsal se nihaal-e-shab hai

zaKHm-e-taza ko dar-e-yar banaya apna

chand se par koi raat basera Dale

hum se puchhe hai koi KHun bahaya apna

ab to har shakl yahan zeb-e-numaish Thahri

hum ne tamsil-nagar aisa basaya apna

duKHtar-e-mashriq-o-maghrib ko bhi dekho 'kausar'

ruh ko aam kiya kuchh na chhupaya apna