humne dekha hai jab zindagi ki taraf

ham ne dekhā hai jab zindagī kī taraf

zindagī muḌ ga.ī bebasī kī taraf

yuuñ to pesh-e-nazar haiñ ka.ī rah-guzar

koī jaatī nahīñ hai ḳhushī kī taraf

mere hāthoñ kī ḳhuddārī maiñ kyā kahūñ

ye nahīñ phaile ab tak kisī kī taraf

laakh sajde kiye kiiñ du'ā.eñ ka.ī

phir bhī dil na jhukā bandagī kī taraf

āñsuoñ se nazar tar-ba-tar ho ga.ī

jab uThī aañkh lab kī hañsī kī taraf

haath meñ jaam ham ne liyā thā abhī

paañv Dhalne lage be-ḳhudī kī taraf

ye alag baat hai aap samjhe nahīñ

thā ishāra mirā aap hī kī taraf

hum ne dekha hai jab zindagi ki taraf

zindagi muD gai bebasi ki taraf

yun to pesh-e-nazar hain kai rah-guzar

koi jati nahin hai KHushi ki taraf

mere hathon ki KHuddari main kya kahun

ye nahin phaile ab tak kisi ki taraf

lakh sajde kiye kin du'aen kai

phir bhi dil na jhuka bandagi ki taraf

aansuon se nazar tar-ba-tar ho gai

jab uThi aankh lab ki hansi ki taraf

hath mein jam hum ne liya tha abhi

panw Dhalne lage be-KHudi ki taraf

ye alag baat hai aap samjhe nahin

tha ishaara mera aap hi ki taraf