humne duniya ko jis qadar dekha

ham ne duniyā ko jis qadar dekhā

dard-o-āh-o-fuġhāñ kā ghar dekhā

phir kisī āstāñ pe sar na jhukā

jab se us kal kā sang-e-dar dekhā

yug bitā.e haiñ khoj meñ us kī

us ko ham ne nahīñ magar dekhā

ek halchal hī mach ga.ī dil meñ

us ne jab ham ko ik nazar dekhā

chain aatā nahīñ kisī pahlū

ġham-e-ulfat kā ye asar dekhā

phir nigāhoñ meñ koī ġhair na thā

ham ne jab dil meñ Duub kar dekhā

'auj' tum jis ko ishq kahte ho

ham ne ye khel umr bhar dekhā

hum ne duniya ko jis qadar dekha

dard-o-ah-o-fughan ka ghar dekha

phir kisi aastan pe sar na jhuka

jab se us kal ka sang-e-dar dekha

yug bitae hain khoj mein us ki

us ko hum ne nahin magar dekha

ek halchal hi mach gai dil mein

us ne jab hum ko ek nazar dekha

chain aata nahin kisi pahlu

gham-e-ulfat ka ye asar dekha

phir nigahon mein koi ghair na tha

hum ne jab dil mein Dub kar dekha

'auj' tum jis ko ishq kahte ho

hum ne ye khel umr bhar dekha