humne ehsan asiri ka na barbaad kiya

ham ne ehsān asīrī kā na barbād kiyā

marte dam muñh taraf-e-ḳhāna-e-sayyād kiyā

ab kī sayyād ne turfa sitam ījād kiyā

be-par-o-bāl samajh kar hameñ āzād kiyā

kyā tirī yaad kareñge falak-e-nā-insāf

dil-e-nāshād hamārā na kabhī shaad kiyā

dil pe sadme liye jaur-o-sitam ḳhūbāñ ke

zabt dekho na kabhī vā lab-e-fariyād kiyā

āsmāñ kī na shikāyat na hasīnoñ kā gilā

dil-e-nā-fahm ne mere mujhe barbād kiyā

itnā shikva hai ḳhayāl-e-ruḳh-e-jānāñ se hameñ

dil-e-vīrāñ na hamārā kabhī ābād kiyā

shefta kar ke mujhe ik bune harjā.ī par

ḳhuub rusvā-e-jahāñ ai dil-e-nāshād kiyā

haath aayā koī mazmūn nayā to samjhā

mujh ko farzand-e-ḳhudā ne mire imdād kiyā

ishq-e-ḳhūbāñ meñ huā rañj to rāhat samjhā

shukr maiñ ne evaz-e-shikva-e-bedād kiyā

kufr-o-islām ke jhagḌoñ se chhuḌāyā sad shukr

qaid-e-maz.hab se junūñ ne mujhe āzād kiyā

mahfil-e-ġhair meñ bulvā ke jalāyā ham ko

tum ne ḳhalvat meñ kisī din na hameñ yaad kiyā

jis meñ mazmūn raqam thā tirī ḳhush-chashmī kā

to usī sher pe ustād ne bhī saad kiyā

koh-e-ġham ham ne bhī o ġhairat-e-shīrīñ kaaTā

josh-e-ulfat meñ tire pesha-e-farhād kiyā

ek din bhī na hamārā koī kahnā maanā

ham bajā laa.e jo kuchh aap ne irshād kiyā

tere dīvānoñ kā kis dasht meñ maskan na huā

kaun sā hai vo ḳharāba jo na ābād kiyā

hasart-e-qatl hī ne jaan lī apnī sad shukr

maut ne ham ko na sharminda-e-jallād kiyā

dekho is ishq-e-fusūñ-sāz ke nairañg āḳhir

jaan lī qais kī TukḌe sar-e-farhād kiyā

laakh chāhā magar ik shoḳh hamārā na huā

kyā javānī ko 'qalaq' muft meñ barbād kiyā

hum ne ehsan asiri ka na barbaad kiya

marte dam munh taraf-e-KHana-e-sayyaad kiya

ab ki sayyaad ne turfa sitam ijad kiya

be-par-o-baal samajh kar hamein aazad kiya

kya teri yaad karenge falak-e-na-insaf

dil-e-nashad hamara na kabhi shad kiya

dil pe sadme liye jaur-o-sitam KHuban ke

zabt dekho na kabhi wa lab-e-fariyaad kiya

aasman ki na shikayat na hasinon ka gila

dil-e-na-fahm ne mere mujhe barbaad kiya

itna shikwa hai KHayal-e-ruKH-e-jaanan se hamein

dil-e-viran na hamara kabhi aabaad kiya

shefta kar ke mujhe ek bune harjai par

KHub ruswa-e-jahan ai dil-e-nashad kiya

hath aaya koi mazmun naya to samjha

mujh ko farzand-e-KHuda ne mere imdad kiya

ishq-e-KHuban mein hua ranj to rahat samjha

shukr main ne ewaz-e-shikwa-e-bedad kiya

kufr-o-islam ke jhagDon se chhuDaya sad shukr

qaid-e-mazhab se junun ne mujhe aazad kiya

mahfil-e-ghair mein bulwa ke jalaya hum ko

tum ne KHalwat mein kisi din na hamein yaad kiya

jis mein mazmun raqam tha teri KHush-chashmi ka

to usi sher pe ustad ne bhi sad kiya

koh-e-gham hum ne bhi o ghairat-e-shirin kaTa

josh-e-ulfat mein tere pesha-e-farhad kiya

ek din bhi na hamara koi kahna mana

hum baja lae jo kuchh aap ne irshad kiya

tere diwanon ka kis dasht mein maskan na hua

kaun sa hai wo KHaraba jo na aabaad kiya

hasart-e-qatl hi ne jaan li apni sad shukr

maut ne hum ko na sharminda-e-jallad kiya

dekho is ishq-e-fusun-saz ke nairang aaKHir

jaan li qais ki TukDe sar-e-farhad kiya

lakh chaha magar ek shoKH hamara na hua

kya jawani ko 'qalaq' muft mein barbaad kiya