humne KHud ko gham-e-duniya se yun aazad kiya

ham ne ḳhud ko ġham-e-duniyā se yuuñ āzād kiyā

ghar ko vīrān kiyā dasht ko ābād kiyā

jitne naamī haiñ sabhī ishq ke paale hue haiñ

apne jaise hī the us ne jinheñ farhād kiyā

maiñ to din raat tirī yaad meñ gum rahtā huuñ

dostā kyā kabhī tū ne bhī mujhe yaad kiyā

pūchhtā bhī na thā kal tak koī bhī vīrānoñ ko

hijr-zādoñ ne miyāñ dasht ko ābād kiyā

jo tumheñ yaad bhī rakh kar nahīñ raazī 'dā.em'

tum ne kyoñ us ke liye ḳhud ko yuuñ barbād kiyā

hum ne KHud ko gham-e-duniya se yun aazad kiya

ghar ko viran kiya dasht ko aabaad kiya

jitne nami hain sabhi ishq ke pale hue hain

apne jaise hi the us ne jinhen farhad kiya

main to din raat teri yaad mein gum rahta hun

dosta kya kabhi tu ne bhi mujhe yaad kiya

puchhta bhi na tha kal tak koi bhi viranon ko

hijr-zadon ne miyan dasht ko aabaad kiya

jo tumhein yaad bhi rakh kar nahin raazi 'daem'

tum ne kyon us ke liye KHud ko yun barbaad kiya