humne ki uski justuju dil mein

ham ne kī us kī justujū dil meñ

mil ga.ī dil kī aarzū dil meñ

aisī sūrat hai hū-ba-hū dil meñ

jaise baiThā huā hai tū dil meñ

uf re ye ishq kī balā-noshī

naam ko bhī nahīñ lahū dil meñ

vo tamanna ke sabz baaġh kahāñ

ab nahīñ koī aarzū dil meñ

ishq kā ye nasha ye mastī-e-shauq

utar aa.e mai-o-subū dil meñ

lā-makāñ bhī tirā makāñ bhī tirā

arsh par tū hai aur tū dil meñ

vo tasavvur meñ laa.e haiñ tashrīf

hai mohabbat kī guftugū dil meñ

naam allāh kā rahā baaqī

ya.anī ab hai maqām-e-hū dil dil meñ

ho gayā chāk- dāman-e-hastī

rah ga.ī hasrat-e-rafū dil meñ

zindagī ban ke terī yaad aa.ī

aa ga.ī jān-e-ārzū dil meñ

ālam-e-rang-o-bū tilism sahī

na jamā naqsh-e-rang-o-bū dil meñ

rang lā.egī gul khilā.egī

shauq kī shorish-e-numū dil meñ

ishq rusvā mizāj hai 'shākir'

tā-ba-ke zauq-e-ābrū dil meñ

hum ne ki us ki justuju dil mein

mil gai dil ki aarzu dil mein

aisi surat hai hu-ba-hu dil mein

jaise baiTha hua hai tu dil mein

uf re ye ishq ki bala-noshi

nam ko bhi nahin lahu dil mein

wo tamanna ke sabz bagh kahan

ab nahin koi aarzu dil mein

ishq ka ye nasha ye masti-e-shauq

utar aae mai-o-subu dil mein

la-makan bhi tera makan bhi tera

arsh par tu hai aur tu dil mein

wo tasawwur mein lae hain tashrif

hai mohabbat ki guftugu dil mein

nam allah ka raha baqi

yani ab hai maqam-e-hu dil dil mein

ho gaya chaak- daman-e-hasti

rah gai hasrat-e-rafu dil mein

zindagi ban ke teri yaad aai

aa gai jaan-e-arzu dil mein

aalam-e-rang-o-bu tilism sahi

na jama naqsh-e-rang-o-bu dil mein

rang laegi gul khilaegi

shauq ki shorish-e-numu dil mein

ishq ruswa mizaj hai 'shakir'

ta-ba-ke zauq-e-abru dil mein