humne pai lazzat-e-didar lekin dur se
ham ne paa.ī lazzat-e-dīdār lekin duur se
un kī sūrat dekh lī sau baar lekin duur se
vo dikhāte haiñ hameñ ruḳhsār lekin duur se
is kā matlab hai ki kar lo pyaar lekin duur se
us ne jāñchā merā dard-e-dil magar aayā na paas
us ne dekhā merā hāl-e-zār lekin duur se
rauzan-e-dīvār se hasrat bharī āñkheñ laḌīñ
ho ga.iiñ un se nigāheñ chaar lekin duur se
us ne aane kā kiyā hai qaul lekin tā-ba-dar
us ne milne kā kiyā iqrār lekin duur se
paas 'muztar' kis tarah jaate hujūm-e-yās meñ
ho gayā un kā hameñ dīdār lekin duur se
hum ne pai lazzat-e-didar lekin dur se
un ki surat dekh li sau bar lekin dur se
wo dikhate hain hamein ruKHsar lekin dur se
is ka matlab hai ki kar lo pyar lekin dur se
us ne jaancha mera dard-e-dil magar aaya na pas
us ne dekha mera haal-e-zar lekin dur se
rauzan-e-diwar se hasrat bhari aankhen laDin
ho gain un se nigahen chaar lekin dur se
us ne aane ka kiya hai qaul lekin ta-ba-dar
us ne milne ka kiya iqrar lekin dur se
pas 'muztar' kis tarah jate hujum-e-yas mein
ho gaya un ka hamein didar lekin dur se
- Book : Khirman (Part-1) (Pg. 233)
- Author : Muztar Khairabadi
- Publication : Javed Akhtar (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
