humne teri talab ko tamanna bana liya

ham ne tirī talab ko tamanna banā liyā

paḌh paḌh ke terā naam vazīfa banā liyā

hamvār kar lī pahle tire dil kī sarzamīñ

aur phir yahāñ pe apnā Thikāna banā liyā

jis ke kināre baiTh ke kartā thā tum se baat

maiñ ne to us nadī se bhī rishta banā liyā

ham to hamāre dil ko na apnā banā sake

lekin banāne vāloñ ne kyā kyā banā liyā

har saañs pe hai maut kā dhaḌkā lagā huā

qātil ko zindagī ne masīhā banā liyā

ham shātiroñ ke shahr meñ be-mol bik ga.e

ham ko siyāsī logoñ ne mohrā banā liyā

ḳhushbū se roz ḳhat likhā 'hāfiz' havā ke naam

pattoñ ko moḌ de ke lifāfa banā liyā

hum ne teri talab ko tamanna bana liya

paDh paDh ke tera nam wazifa bana liya

hamwar kar li pahle tere dil ki sarzamin

aur phir yahan pe apna Thikana bana liya

jis ke kinare baiTh ke karta tha tum se baat

main ne to us nadi se bhi rishta bana liya

hum to hamare dil ko na apna bana sake

lekin banane walon ne kya kya bana liya

har sans pe hai maut ka dhaDka laga hua

qatil ko zindagi ne masiha bana liya

hum shatiron ke shahr mein be-mol bik gae

hum ko siyasi logon ne mohra bana liya

KHushbu se roz KHat likha 'hafiz' hawa ke nam

patton ko moD de ke lifafa bana liya