ham-palla mere aaj sikandar bhi nahin hai

ham-palla mire aaj sikandar bhī nahīñ hai

ik saltanat-e-husn mire zer-e-nagīñ hai

vo hosh se begāna ho to dekh le jis ko

kyā chiiz hai jaadū jo nigāhoñ meñ nahīñ hai

duur itnā ki duniyā-e-taḳhayyul meñ na aa.e

vo paas hai utnā ki rag-e-jāñ se qarīñ hai

tere ruḳh-e-tābāñ kā nigahbān hai kākul

nazzāra-kunāñ kufr kī āġhosh meñ diiñ hai

is baab meñ kāmil hai yaqīñ mujh ko to 'jauhar'

sab kuchh sahī vo ahd-farāmosh nahīñ hai

ham-palla mere aaj sikandar bhi nahin hai

ek saltanat-e-husn mere zer-e-nagin hai

wo hosh se begana ho to dekh le jis ko

kya chiz hai jadu jo nigahon mein nahin hai

dur itna ki duniya-e-taKHayyul mein na aae

wo pas hai utna ki rag-e-jaan se qarin hai

tere ruKH-e-taban ka nigahban hai kakul

nazzara-kunan kufr ki aaghosh mein din hai

is bab mein kaamil hai yaqin mujh ko to 'jauhar'

sab kuchh sahi wo ahd-faramosh nahin hai