hum par nigah-e-lutf kabhi hai kabhi nahin

ham par nigāh-e-lutf kabhī hai kabhī nahīñ

tum hī kaho ye kyā hai agar dil lagī nahīñ

go jī rahā hai aaj bhī koī tire baġhair

lekin ye zindagī to koī zindagī nahīñ

us kī balā se koī jiye yā koī mire

jis ko kisī ke dard kā ehsās hī nahīñ

dil meñ na aarzū hai koī ab na valvala

ik sham.a jal rahī hai magar raushnī nahīñ

āḳhir ham un ke va.adoñ par īmān laa.eñ kyā

jo ham pe mehrbān abhī hai abhī nahīñ

is guftugū kī tarz meñ tarmīm kījiye

kab tak maiñ ḳhāmoshī se sunūñ aap kī nahīñ

'āsī' zabān-e-ḳhāmushī meñ dāstān-e-shauq

ham ne kahī hai bārhā us ne sunī nahīñ

hum par nigah-e-lutf kabhi hai kabhi nahin

tum hi kaho ye kya hai agar dil lagi nahin

go ji raha hai aaj bhi koi tere baghair

lekin ye zindagi to koi zindagi nahin

us ki bala se koi jiye ya koi mere

jis ko kisi ke dard ka ehsas hi nahin

dil mein na aarzu hai koi ab na walwala

ek shama jal rahi hai magar raushni nahin

aaKHir hum un ke wadon par iman laen kya

jo hum pe mehrban abhi hai abhi nahin

is guftugu ki tarz mein tarmim kijiye

kab tak main KHamoshi se sunun aap ki nahin

'asi' zaban-e-KHamushi mein dastan-e-shauq

hum ne kahi hai barha us ne suni nahin