hum pas-e-parda rahen ya pesh-e-manzar mein rahen

ham pas-e-parda raheñ yā pesh-e-manzar meñ raheñ

haañ hamāre harf raushan dīda-e-tar meñ raheñ

ek saf meñ ham-qadam rahnā agar mushkil huā

ye to mumkin hai ki ham tum ek lashkar meñ raheñ

thak ga.ī huuñ sochtī huuñ ḳhud ko samjhāyā karūñ

ye ki āḳhir kitne saude ek hī sar meñ raheñ

diary meñ aaj kī tārīḳh par likhā milā

mezbānī ke liye tanhā.ī kī ghar meñ raheñ

hum pas-e-parda rahen ya pesh-e-manzar mein rahen

han hamare harf raushan dida-e-tar mein rahen

ek saf mein ham-qadam rahna agar mushkil hua

ye to mumkin hai ki hum tum ek lashkar mein rahen

thak gai hun sochti hun KHud ko samjhaya karun

ye ki aaKHir kitne saude ek hi sar mein rahen

diary mein aaj ki tariKH par likha mila

mezbani ke liye tanhai ki ghar mein rahen