hum phire shahr mein aawara-o-ruswa barson

ham phire shahr meñ āvāra-o-rusvā barsoñ

dil ke mandir meñ tire vahm ko puujā barsoñ

vo badan chāñd ke jaisā thā mire aks ke saath

din kī raunaq meñ bhī ik ḳhvāb sā dekhā barsoñ

qurb ne khol diye husn ke uqde saare

zindagī khātī rahī ishq kā dhokā barsoñ

ab to hañsne kī ijāzat ġham-e-daurāñ de de

vaqt ro ro ke bahut ham ne guzārā barsoñ

koī aisā na milā jis se ḳhabar kuchh miltī

apnā haal apnī hī tasvīr se pūchhā barsoñ

ab nahīñ taab ki sadmāt kī yūrish jhele

talḳhiyāñ hotī rahīñ dil ko gavāra barsoñ

ye alag baat ki raas aayā tirā ġham ham ko

varna ghere rahā yuuñ to ġham-e-duniyā barsoñ

us se pūchho ki hai kyā kaif-e-shikast-e-ummīd

jis ne jhelā hai ġham-e-va.ada-e-fardā barsoñ

ek ma.asūm lagāvaT thī ki jis kī ḳhātir

dil ko marġhūb rahī ranjish-e-bejā barsoñ

tum ki har saañs meñ har aah meñ har ḳhvāb meñ the

phir bhī ham apne ko paate rahe tanhā barsoñ

aql suljhā na sakī uljhe masā.il 'qādir'

aañkh ne dekhā hai qismat kā tamāsha barsoñ

hum phire shahr mein aawara-o-ruswa barson

dil ke mandir mein tere wahm ko puja barson

wo badan chand ke jaisa tha mere aks ke sath

din ki raunaq mein bhi ek KHwab sa dekha barson

qurb ne khol diye husn ke uqde sare

zindagi khati rahi ishq ka dhoka barson

ab to hansne ki ijazat gham-e-dauran de de

waqt ro ro ke bahut hum ne guzara barson

koi aisa na mila jis se KHabar kuchh milti

apna haal apni hi taswir se puchha barson

ab nahin tab ki sadmat ki yurish jhele

talKHiyan hoti rahin dil ko gawara barson

ye alag baat ki ras aaya tera gham hum ko

warna ghere raha yun to gham-e-duniya barson

us se puchho ki hai kya kaif-e-shikast-e-ummid

jis ne jhela hai gham-e-wada-e-farda barson

ek masum lagawaT thi ki jis ki KHatir

dil ko marghub rahi ranjish-e-beja barson

tum ki har sans mein har aah mein har KHwab mein the

phir bhi hum apne ko pate rahe tanha barson

aql suljha na saki uljhe masail 'qadir'

aankh ne dekha hai qismat ka tamasha barson