hum pyason ki yahi kahani jashn manane lagte hain

ham pyāsoñ kī yahī kahānī jashn manāne lagte haiñ

duur kahīñ jab dekheñ paanī jashn manāne lagte haiñ

ham aise the ghar aisā thā gaañv hamārā aisā thā

dekh ke ab tasvīr purānī jashn manāne lagte haiñ

itne mushkil rastoñ par is baar safar hai logoñ kā

dekh ke thoḌī sī āsānī jashn manāne lagte haiñ

dil kī hālat par ham pahle mātam karne lagte the

dekh ke ab to choT purānī jashn manāne lagte haiñ

mere apne kuchh logoñ ko pyaar hai mere ashkoñ se

dekh ke merī aañkh meñ paanī jashn manāne lagte haiñ

hum pyason ki yahi kahani jashn manane lagte hain

dur kahin jab dekhen pani jashn manane lagte hain

hum aise the ghar aisa tha ganw hamara aisa tha

dekh ke ab taswir purani jashn manane lagte hain

itne mushkil raston par is bar safar hai logon ka

dekh ke thoDi si aasani jashn manane lagte hain

dil ki haalat par hum pahle matam karne lagte the

dekh ke ab to choT purani jashn manane lagte hain

mere apne kuchh logon ko pyar hai mere ashkon se

dekh ke meri aankh mein pani jashn manane lagte hain