hum rah-e-shauq mein gir gir ke sanbhal jaenge

ham rah-e-shauq meñ gir gir ke sañbhal jā.eñge

vo nazar badlī to hālāt badal jā.eñge

nigah-e-shauq agar aa ga.ī apnī zid par

sab hijābāt tajallī meñ badal jā.eñge

merī taqdīr meñ aa jā.eñge uljhan ban kar

jitne bal gesū-e-jānāñ ke nikal jā.eñge

qāfile vāloñ ko ye raaz batā de koī

rahnumā badle to raste bhī badal jā.eñge

mere ashkoñ se zarā duur hī rahiye varna

aap ke haath bhī is aag meñ jal jā.eñge

aur do-chār qadam kījiye taklīf-e-ḳhirām

sar uThāte hue fitne bhī kuchal jā.eñge

ye jo bad-mast-e-mai-e-aish-o-tarab haiñ 'mūsā'

Thokareñ khā ke zamāne kī sañbhal jā.eñge

hum rah-e-shauq mein gir gir ke sanbhal jaenge

wo nazar badli to haalat badal jaenge

nigah-e-shauq agar aa gai apni zid par

sab hijabaat tajalli mein badal jaenge

meri taqdir mein aa jaenge uljhan ban kar

jitne bal gesu-e-jaanan ke nikal jaenge

qafile walon ko ye raaz bata de koi

rahnuma badle to raste bhi badal jaenge

mere ashkon se zara dur hi rahiye warna

aap ke hath bhi is aag mein jal jaenge

aur do-chaar qadam kijiye taklif-e-KHiram

sar uThate hue fitne bhi kuchal jaenge

ye jo bad-mast-e-mai-e-aish-o-tarab hain 'musa'

Thokaren kha ke zamane ki sanbhal jaenge