humse afsane mohabbat ke sunae na gae

ham se afsāne mohabbat ke sunā.e na ga.e

dāġh-e-dil aise bhī the un ko dikhā.e na ga.e

baat kuchh bhī na huī thī ki vo hote nālāñ

kaun sī baat thī ham jis pe rulā.e na ga.e

ai mire dost tirī nazr-e-karam hai shāyad

tū ne jo ġham bhī diye the vo chhupā.e na ga.e

ham ne chāhā thā ki kuchh bhī na rahe yaad hameñ

na hī tum yaad rahe aur bhulā.e na ga.e

hālat-e-vasl meñ ham is ke sivā kyā karte

ashk āñkhoñ meñ jo Thahre vo bahā.e na ga.e

bas-ki ik dard-e-mohabbat hī nahīñ thā 'barham'

kyā se kyā zaḳhm the jo ham pe lagā.e na ga.e

hum se afsane mohabbat ke sunae na gae

dagh-e-dil aise bhi the un ko dikhae na gae

baat kuchh bhi na hui thi ki wo hote nalan

kaun si baat thi hum jis pe rulae na gae

ai mere dost teri nazr-e-karam hai shayad

tu ne jo gham bhi diye the wo chhupae na gae

hum ne chaha tha ki kuchh bhi na rahe yaad hamein

na hi tum yaad rahe aur bhulae na gae

haalat-e-wasl mein hum is ke siwa kya karte

ashk aankhon mein jo Thahre wo bahae na gae

bas-ki ek dard-e-mohabbat hi nahin tha 'barham'

kya se kya zaKHm the jo hum pe lagae na gae