humse apne ganw ki miTTi ke ghar chhine gae

ham se apne gaañv kī miTTī ke ghar chhīne ga.e

jis tarah shahrī parindoñ se shajar chhīne ga.e

titliyoñ ne kāġhzī phūloñ pe Derā kar liyā

rāste meñ jugnuoñ ke bāl-o-par chhīne ga.e

is qadar baḌhne lage haiñ ghar se ghar ke fāsle

dostoñ se shaam ke paidal safar chhīne ga.e

kaale sūraj kī ziyā se shahr andhā ho gayā

ḳhuun meñ ḳhushbū ugāne ke hunar chhīne ga.e

aañkh āñkhoñ se zabānoñ se zabāñ chhīnī ga.ī

dāstāñ se dāstānoñ ke sharar chhīne ga.e

hum se apne ganw ki miTTi ke ghar chhine gae

jis tarah shahri parindon se shajar chhine gae

titliyon ne kaghzi phulon pe Dera kar liya

raste mein jugnuon ke baal-o-par chhine gae

is qadar baDhne lage hain ghar se ghar ke fasle

doston se sham ke paidal safar chhine gae

kale suraj ki ziya se shahr andha ho gaya

KHun mein KHushbu ugane ke hunar chhine gae

aankh aankhon se zabanon se zaban chhini gai

dastan se dastanon ke sharar chhine gae