humse hamare laKHt-e-jigar chhin loge kya

ham se hamāre laḳht-e-jigar chhīn loge kyā

mazlūm kī duā se asar chhīn loge kyā

majme meñ apne qad ko baḌhāne ke shauq meñ

jis kā ho qad darāz vo sar chhīn loge kyā

is jurm meñ ki ḳhvāb haiñ dekhe bahār ke

ahl-e-nazar se husn-e-nazar chhīn loge kyā

āñkhoñ pe ab nazar hai bujhā kar charāġh sab

ḳhvāboñ se un kā āḳhirī ghar chhīn loge kyā

husn-o-jamāl apnā baḌhāne ke ḳhabt meñ

dhartī se barg-o-bār-o-shajar chhīn loge kyā

ghere meñ zālimoñ ke alam haq kā thā manā

'alvī' se kūfiyo ye hunar chhīn loge kyā

hum se hamare laKHt-e-jigar chhin loge kya

mazlum ki dua se asar chhin loge kya

majme mein apne qad ko baDhane ke shauq mein

jis ka ho qad daraaz wo sar chhin loge kya

is jurm mein ki KHwab hain dekhe bahaar ke

ahl-e-nazar se husn-e-nazar chhin loge kya

aankhon pe ab nazar hai bujha kar charagh sab

KHwabon se un ka aaKHiri ghar chhin loge kya

husn-o-jamal apna baDhane ke KHabt mein

dharti se barg-o-bar-o-shajar chhin loge kya

ghere mein zalimon ke alam haq ka tha mana

'alwi' se kufiyo ye hunar chhin loge kya