hum to ab jati ruten hain humse ye ighmaz kyun

ham to ab jaatī ruteñ haiñ ham se ye iġhmāz kyuuñ

jurm kyā ham ne kiyā hai aap haiñ nārāz kyuuñ

māl-o-zar se bahra-e-vāfir na denā thā agar

ai ḳhudā tū ne diyā mujh ko dil-e-fayyāz kyuuñ

rishta-e-zar rishta-e-ḳhūñ se hai baḌh kar mo'tabar

varna chāhat ke liye qarzā bane miqrāz kyuuñ

ḳhesh-bīnī jab ki is kā kesh-e-kam-andesh thā

dostī kā paas kartā banda-e-aġhrāz kyuuñ

kyā na.ī tahzīb hai takzīb-e-aqdār-e-salīm

shahr meñ phaile hue haiñ jins ke amrāz kyuuñ

lutf-andoz-e-riyāz-e-dahr kyuuñ hote nahīñ

dāvarā kam-zarf hote haiñ tire martāz kyuuñ

kuchh haqā.eq ko agar maiñ ne kiyā hai be-naqāb

ho ga.e nārāz mujh se sher ke nabbāz kyuuñ

pūchhte haiñ de ke mujh ko dost-dārī kā fareb

'kirshn'-mohan dostoñ se is qadar e'rāz kyuuñ

hum to ab jati ruten hain hum se ye ighmaz kyun

jurm kya hum ne kiya hai aap hain naraaz kyun

mal-o-zar se bahra-e-wafir na dena tha agar

ai KHuda tu ne diya mujh ko dil-e-fayyaz kyun

rishta-e-zar rishta-e-KHun se hai baDh kar mo'tabar

warna chahat ke liye qarza bane miqraaz kyun

KHesh-bini jab ki is ka kesh-e-kam-andesh tha

dosti ka pas karta banda-e-aghraaz kyun

kya nai tahzib hai takzib-e-aqdar-e-salim

shahr mein phaile hue hain jins ke amraaz kyun

lutf-andoz-e-riyaz-e-dahr kyun hote nahin

dawara kam-zarf hote hain tere martaz kyun

kuchh haqaeq ko agar main ne kiya hai be-naqab

ho gae naraaz mujh se sher ke nabbaz kyun

puchhte hain de ke mujh ko dost-dari ka fareb

'kirshn'-mohan doston se is qadar e'raaz kyun