hum un ke jab talak marham na honge

ham un ke jab talak marham na hoñge

masā.il tab talak ye kam na hoñge

tirī nazreñ falak pe gar raheñgī

sitāre phir kabhī maddham na hoñge

mujhe gar vaqt ko aaya ghumānā

diye mujh ko jo saare ġham na hoñge

anā kī chaal jab dariyā chalegā

alaknanda meñ phir sangam na hoñge

hamīñ par ishq kī hai āzmā.ish

kaTā deñ sar bhī to aazam na hoñge

bhalā kyoñ manziloñ meñ zo'm aaya

mirī rāhoñ meñ ab resham na hoñge

jahāñ maiñ se hī dil ho shā.irāna

vahīñ par ham bhī to phir ham na hoñge

nadī insāñ ke kaise paap dho.e

jo dariyā hoñge par zamzam na hoñge

kabhī gul-pāsh se gul-pāshī sīkheñ

dinoñ din phuul phir be-dam na hoñge

yahīñ ḳhvāboñ meñ vo jo milne aa.eñ

nazāre aise to durgam na hoñge

tire aane se phir barsāt hogī

ye jo mausam haiñ be-mausam na hoñge

diloñ pe tiir vo maare hī jaate

unhīñ ghāoñ ke ab marham na hoñge

diye jo ek jhoñke meñ bujheñge

vo āñdhī se kabhī bāham na hoñge

bichhaḌ kar kaun se ham jī hī paa.e

mohabbat meñ vahī aalam na hoñge

kabhī vo ham se yuuñ Takrā ga.e to

hamāre paañv mustahkam na hoñge

hum un ke jab talak marham na honge

masail tab talak ye kam na honge

teri nazren falak pe gar rahengi

sitare phir kabhi maddham na honge

mujhe gar waqt ko aaya ghumana

diye mujh ko jo sare gham na honge

ana ki chaal jab dariya chalega

alaknanda mein phir sangam na honge

hamin par ishq ki hai aazmaish

kaTa den sar bhi to aazam na honge

bhala kyon manzilon mein zo'm aaya

meri rahon mein ab resham na honge

jahan main se hi dil ho shairana

wahin par hum bhi to phir hum na honge

nadi insan ke kaise pap dhoe

jo dariya honge par zamzam na honge

kabhi gul-pash se gul-pashi sikhen

dinon din phul phir be-dam na honge

yahin KHwabon mein wo jo milne aaen

nazare aise to durgam na honge

tere aane se phir barsat hogi

ye jo mausam hain be-mausam na honge

dilon pe tir wo mare hi jate

unhin ghaon ke ab marham na honge

diye jo ek jhonke mein bujhenge

wo aandhi se kabhi baham na honge

bichhaD kar kaun se hum ji hi pae

mohabbat mein wahi aalam na honge

kabhi wo hum se yun Takra gae to

hamare panw mustahkam na honge