hum unki bazm mein logon ko kam dikhai diye

ham un kī bazm meñ logoñ ko kam dikhā.ī diye

kisī ne ham ko pukārā to ham dikhā.ī diye

jo sarfarāz the sar un ke ḳham dikhā.ī diye

jahāñ-jahāñ tire naqsh-e-qadam dikhā.ī diye

vo jis galī meñ hameñ rokte the jaane se

usī galī meñ ka.ī mohtaram dikhā.ī diye

so apne dil meñ unheñ bhī panāh denī paḌī

ḳhushī ko DhūñD rahe the ki ġham dikhā.ī diye

patā chalā ki dikhāvā thā aur kuchh bhī nahīñ

qadam qadam pe jo ahl-e-karam dikhā.ī diye

ginā rahe the fazīlat jo mil ke rahne kī

satīza-kār vo saare baham dikhā.ī diye

ye aur baat muḳhātab nahīñ hue ham se

yahī bahut hai ki vo kam se kam dikhā.ī diye

sab apne aap ko afzal batā rahe the 'shakīl'

'ajīb haal meñ ahl-e-haram dikhā.ī diye

hum un ki bazm mein logon ko kam dikhai diye

kisi ne hum ko pukara to hum dikhai diye

jo sarfaraaz the sar un ke KHam dikhai diye

jahan-jahan tere naqsh-e-qadam dikhai diye

wo jis gali mein hamein rokte the jaane se

usi gali mein kai mohtaram dikhai diye

so apne dil mein unhen bhi panah deni paDi

KHushi ko DhunD rahe the ki gham dikhai diye

pata chala ki dikhawa tha aur kuchh bhi nahin

qadam qadam pe jo ahl-e-karam dikhai diye

gina rahe the fazilat jo mil ke rahne ki

satiza-kar wo sare baham dikhai diye

ye aur baat muKHatab nahin hue hum se

yahi bahut hai ki wo kam se kam dikhai diye

sab apne aap ko afzal bata rahe the 'shakil'

'ajib haal mein ahl-e-haram dikhai diye