hum waqt ke ham-safar hi Thahre

ham vaqt ke ham-safar hī Thahre

kab tak koī apne ghar hī Thahre

hai kokh koī sadaf nahīñ hai

lāzim to nahīñ guhar hī Thahre

jī leñge vo lamha oḌh kar ham

ai kaash vo lamha bhar hī Thahre

ūñchī thiiñ uḌāneñ jin kī vo bhī

zindagī-e-bām-o-dar hī Thahre

is shahr meñ zindagī girāñ hai

jo Thahre vo daar par hī Thahre

sūraj thā ki chāñd thā ki taare

sab jāh-parast udhar hī Thahre

ham log vo varaq-pā haiñ 'fāriġh'

jannat meñ bhī muḳhtasar hī Thahre

hum waqt ke ham-safar hi Thahre

kab tak koi apne ghar hi Thahre

hai kokh koi sadaf nahin hai

lazim to nahin guhar hi Thahre

ji lenge wo lamha oDh kar hum

ai kash wo lamha bhar hi Thahre

unchi thin uDanen jin ki wo bhi

zindagi-e-baam-o-dar hi Thahre

is shahr mein zindagi giran hai

jo Thahre wo dar par hi Thahre

suraj tha ki chand tha ki tare

sab jah-parast udhar hi Thahre

hum log wo waraq-pa hain 'farigh'

jannat mein bhi muKHtasar hi Thahre