hum zist ain-e-marzi-e-yazdan na kar sake

ham ziist 'ain-e-marzī-e-yazdāñ na kar sake

baḳhshish kā apnī koī bhī sāmāñ na kar sake

takmīl-e-ārzū na huī bā'd-e-marg bhī

marqad pe bhī vo zulf pareshāñ na kar sake

āḳhir bayān kar hī diyā us se hāl-e-dil

ham ehtiyāt tā-had-e-imkāñ na kar sake

dā'vā to karnā 'ishq kā kār-e-fuzūl hai

qurbān jab kisī pe dil-o-jāñ na kar sake

ham kitne bad-nasīb haiñ jab bhī diye jalā.e

vo āñdhiyāñ chalīñ ki charāġhāñ na kar sake

mahfil se baar baar uThā.e ga.e magar

tark-e-ḳhayāl-e-mahfil-e-jānāñ na kar sake

kashtī ke Duub jaane kā 'qaisar' unheñ hai ġham

jo log fikr-e-āmad-e-tūfāñ na kar sake

hum zist 'ain-e-marzi-e-yazdan na kar sake

baKHshish ka apni koi bhi saman na kar sake

takmil-e-arzu na hui ba'd-e-marg bhi

marqad pe bhi wo zulf pareshan na kar sake

aaKHir bayan kar hi diya us se haal-e-dil

hum ehtiyat ta-had-e-imkan na kar sake

da'wa to karna 'ishq ka kar-e-fuzul hai

qurban jab kisi pe dil-o-jaan na kar sake

hum kitne bad-nasib hain jab bhi diye jalae

wo aandhiyan chalin ki charaghan na kar sake

mahfil se bar bar uThae gae magar

tark-e-KHayal-e-mahfil-e-jaanan na kar sake

kashti ke Dub jaane ka 'qaisar' unhen hai gham

jo log fikr-e-amad-e-tufan na kar sake