hum zikr-e-nau-bahaar karen ya nahin karen

ham zikr-e-nau-bahār kareñ yā nahīñ kareñ

ik jabr iḳhtiyār kareñ yā nahīñ kareñ

ḳhūn-e-jigar charāġh-e-vafā ḳhāna-e-umīd

ab un kā intizār kareñ yā nahīñ kareñ

zanjīr ko sañbhāl ke baiThe haiñ der se

dīvāngī ko pyaar kareñ yā nahīñ kareñ

kyā jaane luuT le koī aakar matā-e-ġham

hālāt sāzgār kareñ yā nahīñ kareñ

aaya hai phir salām-e-mohabbat adab ke saath

ham un pe e.atibār kareñ yā nahīñ kareñ

'sābir' kisī kī bazm se kuchh vāsta nahīñ

zikr-e-vafā-shi.ār kareñ yā nahīñ karīñ

hum zikr-e-nau-bahaar karen ya nahin karen

ek jabr iKHtiyar karen ya nahin karen

KHun-e-jigar charagh-e-wafa KHana-e-umid

ab un ka intizar karen ya nahin karen

zanjir ko sanbhaal ke baiThe hain der se

diwangi ko pyar karen ya nahin karen

kya jaane luT le koi aakar mata-e-gham

haalat sazgar karen ya nahin karen

aaya hai phir salam-e-mohabbat adab ke sath

hum un pe eatibar karen ya nahin karen

'sabir' kisi ki bazm se kuchh wasta nahin

zikr-e-wafa-shiar karen ya nahin karin