hamara man nahin lagta yahan par

hamārā man nahīñ lagtā yahāñ par

agar jaate bhī to jaate kahāñ par

tumhārī kal jo nathunī kho ga.ī thī

banī hai chāñd dekho āsmāñ par

kabhī chūme the us ke hoñT ham ne

abhī tak zā.iqa hai is zabāñ par

hamesha boltī ho ham mileñge

batātī hī nahīñ lekin kahāñ par

zarā sī baat par TuuTe haiñ rishte

kahāñ rahtā hai qaabū ab zabāñ par

batā.eñ kyā tumheñ kal shab kahāñ the

bahut rusvā.ī hai rāz-e-nihāñ par

hameñ jaanā kahāñ hai jānte haiñ

nazar rakkhe hue haiñ āsmāñ par

hamara man nahin lagta yahan par

agar jate bhi to jate kahan par

tumhaari kal jo nathuni kho gai thi

bani hai chand dekho aasman par

kabhi chume the us ke honT hum ne

abhi tak zaiqa hai is zaban par

hamesha bolti ho hum milenge

batati hi nahin lekin kahan par

zara si baat par TuTe hain rishte

kahan rahta hai qabu ab zaban par

bataen kya tumhein kal shab kahan the

bahut ruswai hai raaz-e-nihan par

hamein jaana kahan hai jaante hain

nazar rakkhe hue hain aasman par