hamara zikr bhi aane laga rangin bayanon mein

hamārā zikr bhī aane lagā rangīñ bayānoñ meñ

ki ham ḳhūn-e-jigar se rang bharte haiñ fasānoñ meñ

koī maane na maane is ko lekin ye haqīqat hai

ki urdu hai bahut pyārī zabāñ saarī zabānoñ meñ

bahāroñ ne chaman meñ phir guloñ kā saaz chheḌā hai

anādil kis tarah ḳhāmosh baiTheñ āshiyānoñ meñ

guloñ se pyaar ḳhāroñ se jinheñ nafrat rahī aksar

kuchh aisī hastiyāñ bhī haiñ chaman ke pāsbānoñ meñ

jabīn-e-shauq jis ke vāste pahroñ machaltī hai

tumhārā āstāñ vo āstāñ hai āstānoñ meñ

sadā dil ke qarīñ rah kar nazar se duur rahtā hai

ik aisā mehrbāñ bhī hai hamāre mehrbānoñ meñ

mazāq-e-sher ne ham ko kahāñ pahuñchā diyā 'faizī'

hamārī dhuum hai sher-o-suḳhan ke qadr-dānoñ meñ

hamara zikr bhi aane laga rangin bayanon mein

ki hum KHun-e-jigar se rang bharte hain fasanon mein

koi mane na mane is ko lekin ye haqiqat hai

ki urdu hai bahut pyari zaban sari zabanon mein

bahaaron ne chaman mein phir gulon ka saz chheDa hai

anadil kis tarah KHamosh baiThen aashiyanon mein

gulon se pyar KHaron se jinhen nafrat rahi aksar

kuchh aisi hastiyan bhi hain chaman ke pasbanon mein

jabin-e-shauq jis ke waste pahron machalti hai

tumhaara aastan wo aastan hai aastanon mein

sada dil ke qarin rah kar nazar se dur rahta hai

ek aisa mehrban bhi hai hamare mehrbanon mein

mazaq-e-sher ne hum ko kahan pahuncha diya 'faizi'

hamari dhum hai sher-o-suKHan ke qadr-danon mein