hamare dard ka darman kisi ko kya malum

hamāre dard kā darmāñ kisī ko kyā mā'lūm

hazār zaḳhm haiñ pinhāñ kisī ko kyā mā'lūm

jise sajāyā thā dil ne baḌe ḳhulūs ke saath

chaman hai aaj vo vīrāñ kisī ko kyā mā'lūm

bahut dinoñ se nigāh-e-karam nahīñ uThtī

sitam hai yā koī ehsāñ kisī ko kyā mā'lūm

ḳhushī ke giit kabhī jis makāñ meñ gaa.e the

banā hai ab vahī zindāñ kisī ko kyā mā'lūm

guzar rahā hai pur-āshob daur se 'bismil'

hamāre daur kā insāñ kisī ko kyā mā'lūm

hamare dard ka darman kisi ko kya ma'lum

hazar zaKHm hain pinhan kisi ko kya ma'lum

jise sajaya tha dil ne baDe KHulus ke sath

chaman hai aaj wo viran kisi ko kya ma'lum

bahut dinon se nigah-e-karam nahin uThti

sitam hai ya koi ehsan kisi ko kya ma'lum

KHushi ke git kabhi jis makan mein gae the

bana hai ab wahi zindan kisi ko kya ma'lum

guzar raha hai pur-ashob daur se 'bismil'

hamare daur ka insan kisi ko kya ma'lum