hamare dil ki zamin par kaTaw aur baDha

hamāre dil kī zamīñ par kaTāv aur baḌhā

isī sabab se ġhamoñ kā bahāv aur baḌhā

maiñ niiñd kyā tire bāzār-e-shab meñ le aaya

phir us ke baad to ḳhvāboñ kā bhaav aur baḌhā

ye kaise ḳhvāb-zada rāstoñ meñ aa ga.e haiñ

ki jitnā aage baḌhe ham ghumāv aur baḌhā

yahīñ pahuñch ke maiñ Duubā huuñ bārhā mallāh

yahāñ se aage udhar duur naav aur baḌhā

takallufāt ne zanjīr bāñdh dī dil par

sukūn ḳhatm huā hai tanāv aur baḌhā

tamām dasht-e-badan meñ miThās jaag uThī

ragoñ meñ mauja-e-ḳhūñ kā dabāv aur baḌhā

ye aag mujh meñ utarne se Dar rahī hai 'nabīl'

ise havā de musalsal alaav aur baḌhā

hamare dil ki zamin par kaTaw aur baDha

isi sabab se ghamon ka bahaw aur baDha

main nind kya tere bazar-e-shab mein le aaya

phir us ke baad to KHwabon ka bhaw aur baDha

ye kaise KHwab-zada raston mein aa gae hain

ki jitna aage baDhe hum ghumaw aur baDha

yahin pahunch ke main Duba hun barha mallah

yahan se aage udhar dur naw aur baDha

takallufat ne zanjir bandh di dil par

sukun KHatm hua hai tanaw aur baDha

tamam dasht-e-badan mein miThas jag uThi

ragon mein mauja-e-KHun ka dabaw aur baDha

ye aag mujh mein utarne se Dar rahi hai 'nabil'

ise hawa de musalsal alaw aur baDha