hamare haq mein koi inqalab hai ki nahin

hamāre haq meñ koī inqalāb hai ki nahīñ

hamārī samt khulā dil kā baab hai ki nahīñ

vo ik savāl-e-tamannā jo baar baar huā

us ik savāl kā koī javāb hai ki nahīñ

varaq varaq pe tirā naam jis meñ likkhā hai

vafā-o-mehr kī vo dil kitāb hai ki nahīñ

tirā gunāh bhī vā'iz savāb hai lekin

hamāre nek ‘amal kā savāb hai ki nahīñ

tumhāre naam mire dil kī dhaḌkaneñ jo huiiñ

tumhāre dil meñ kuchh un kā hisāb hai ki nahīñ

hai merā zehn to taḳhlīq-e-ḳhvāb meñ masrūf

tumhāre zehn meñ tābīr-e-ḳhvāb hai ki nahīñ

maiñ dil kī baat 'munavvar' zarūr us se karūñ

samā'atoñ kī magar us ko taab hai ki nahīñ

hamare haq mein koi inqalab hai ki nahin

hamari samt khula dil ka bab hai ki nahin

wo ek sawal-e-tamanna jo bar bar hua

us ek sawal ka koi jawab hai ki nahin

waraq waraq pe tera nam jis mein likkha hai

wafa-o-mehr ki wo dil kitab hai ki nahin

tera gunah bhi wa'iz sawab hai lekin

hamare nek ‘amal ka sawab hai ki nahin

tumhaare nam mere dil ki dhaDkanen jo huin

tumhaare dil mein kuchh un ka hisab hai ki nahin

hai mera zehn to taKHliq-e-KHwab mein masruf

tumhaare zehn mein tabir-e-KHwab hai ki nahin

main dil ki baat 'munawwar' zarur us se karun

sama'aton ki magar us ko tab hai ki nahin