hamare hisse mein har waqt aai tanhai

hamāre hisse meñ har vaqt aa.ī tanhā.ī

nujūm-e-dahr meñ apnī kamā.ī tanhā.ī

jo zaḳhm ḳhuun ke rishtoñ ne ham ko baḳhshe the

vo zaḳhm kī banī tanhā davā.ī tanhā.ī

maiñ us se mehr-o-muravvat kā hī rahā tālib

javāb us kā rahe bevafā.ī tanhā.ī

phir us ke baa'd har ik samt vahshateñ hoñgī

darūn-e-zāt rahe ibtidā.ī tanhā.ī

use to rahnā thā ban kar jahān kī raunaq

diloñ meñ aa.ī magar bin bulā.ī tanhā.ī

hameñ 'azīz hai apnī adā-e-ḳhuddārī

rah-e-hayāt par us ne hī laa.ī tanhā.ī

ki jis ke vāste 'ashraf' ne tark duniyā kī

baḌe ḳhulūs se us ne dikhā.ī tanhā.ī

hamare hisse mein har waqt aai tanhai

nujum-e-dahr mein apni kamai tanhai

jo zaKHm KHun ke rishton ne hum ko baKHshe the

wo zaKHm ki bani tanha dawai tanhai

main us se mehr-o-murawwat ka hi raha talib

jawab us ka rahe bewafai tanhai

phir us ke ba'd har ek samt wahshaten hongi

darun-e-zat rahe ibtidai tanhai

use to rahna tha ban kar jahan ki raunaq

dilon mein aai magar bin bulai tanhai

hamein 'aziz hai apni ada-e-KHuddari

rah-e-hayat par us ne hi lai tanhai

ki jis ke waste 'ashraf' ne tark duniya ki

baDe KHulus se us ne dikhai tanhai