hamare honTon pe kyon shikwa-e-bahaar aae

hamāre hoñToñ pe kyoñ shikva-e-bahār aa.e

ki 'umr apnī bayābāñ meñ ham guzār aa.e

thakā sā vaqt mujhe karne tāza-kār aa.e

na aa.e sub.h magar shām-e-intizār aa.e

hazār baar nahīñ sirf ek baar aa.e

hamārī hadd-e-nazar meñ vo shahsavār aa.e

ḳhayāl-e-yār kā yuuñ hai guzar mire dil meñ

ki chiiz jaise dukāñ se koī udhār aa.e

kisī bhī kapḌe meñ lagtā hai ḳhūb-sūrat vo

libās us ke badan par ba-iftiḳhār aa.e

baġhair us ke nasha sā savār hai mujh par

utārne ke liye vo mirā ḳhumār aa.e

ġhazal ke saath sar-e-bazm 'badr' yuuñ aaya

ki nek-kāroñ meñ jaise gunāhgār aa.e

hamare honTon pe kyon shikwa-e-bahaar aae

ki 'umr apni bayaban mein hum guzar aae

thaka sa waqt mujhe karne taza-kar aae

na aae subh magar sham-e-intizar aae

hazar bar nahin sirf ek bar aae

hamari hadd-e-nazar mein wo shahsawar aae

KHayal-e-yar ka yun hai guzar mere dil mein

ki chiz jaise dukan se koi udhaar aae

kisi bhi kapDe mein lagta hai KHub-surat wo

libas us ke badan par ba-iftiKHar aae

baghair us ke nasha sa sawar hai mujh par

utarne ke liye wo mera KHumar aae

ghazal ke sath sar-e-bazm 'badr' yun aaya

ki nek-karon mein jaise gunahgar aae