hamare KHwab girte ja rahe the

hamāre ḳhvāb girte jā rahe the

so ham āñkheñ badalte jā rahe the

hamāre paas koī bhī nahīñ thā

pa ham saa.e se Darte jā rahe the

bharā thā hasratoñ se dustbin bhī

safā.ī dil meñ karte jā rahe the

udāsī is qadar lipTī huī thī

dar-o-dīvār hañste jā rahe the

kahānī sar paTak kar ro rahī thī

sabhī kirdār marte jā rahe the

hamare KHwab girte ja rahe the

so hum aankhen badalte ja rahe the

hamare pas koi bhi nahin tha

pa hum sae se Darte ja rahe the

bhara tha hasraton se dustbin bhi

safai dil mein karte ja rahe the

udasi is qadar lipTi hui thi

dar-o-diwar hanste ja rahe the

kahani sar paTak kar ro rahi thi

sabhi kirdar marte ja rahe the