hamare KHwab hamari pasand hote gae

hamāre ḳhvāb hamārī pasand hote ga.e

ham apne ā.īna-ḳhānoñ meñ band hote ga.e

ye kyā huā ki ba-īñ-jism us se milte rahe

magar firāq ke sadme do-chand hote ga.e

har ek fat.h pe maġhrūr ho rahā thā vo

har ik shikast pe ham ḳhud-pasand hote ga.e

ham aise bikhre ki apne hī kaam na aa sake

kisī ke haq meñ magar sūd-mand hote ga.e

kisī kī bālā-qadī ke shikoh kī zid meñ

ham apne qad se ziyāda buland hote ga.e

hamare KHwab hamari pasand hote gae

hum apne aaina-KHanon mein band hote gae

ye kya hua ki ba-in-jism us se milte rahe

magar firaq ke sadme do-chand hote gae

har ek fath pe maghrur ho raha tha wo

har ek shikast pe hum KHud-pasand hote gae

hum aise bikhre ki apne hi kaam na aa sake

kisi ke haq mein magar sud-mand hote gae

kisi ki baala-qadi ke shikoh ki zid mein

hum apne qad se ziyaada buland hote gae