hamare KHwab ka kuchh inikas lagta hai

hamāre ḳhvāb kā kuchh in.ikās lagtā hai

ye aadmī to hameñ rū-shanās lagtā hai

guzārishāt bhī bā'is thiiñ barhamī kā kabhī

ab us kā hukm bhī ik iltimās lagtā hai

jo apne naam se tahrīr us ne bhejī hai

hamāre ḳhat kā koī iqtibās lagtā hai

bilā-sabab ye kare bad-gumān kyuuñ āḳhir

durust nāseh qayāfa-shanās lagtā hai

vo ham se tark-e-ta.alluq pe ab hai āmāda

hameñ to aap kā ye ik qayās lagtā hai

ḳhudā kare ki hameñ vo duā na koī de

hameñ to kosnā hī us kā raas lagtā hai

tarāsheñ pairahan ab kuchh na.ī zamīnoñ meñ

darīda sher kā pichhlā libās lagtā hai

ye daur kaisā hai jis shaḳhs se bhī milnā ho

pareshāñ-hāl shikasta udaas lagtā hai

batā.eñ aap ko kyā hai 'matīn' kī pahchān

sarāpā dard hai tasvīr-e-yās lagtā hai

hamare KHwab ka kuchh inikas lagta hai

ye aadmi to hamein ru-shanas lagta hai

guzarishat bhi ba'is thin barhami ka kabhi

ab us ka hukm bhi ek iltimas lagta hai

jo apne nam se tahrir us ne bheji hai

hamare KHat ka koi iqtibas lagta hai

bila-sabab ye kare bad-guman kyun aaKHir

durust naseh qayafa-shanas lagta hai

wo hum se tark-e-talluq pe ab hai aamada

hamein to aap ka ye ek qayas lagta hai

KHuda kare ki hamein wo dua na koi de

hamein to kosna hi us ka ras lagta hai

tarashen pairahan ab kuchh nai zaminon mein

darida sher ka pichhla libas lagta hai

ye daur kaisa hai jis shaKHs se bhi milna ho

pareshan-haal shikasta udas lagta hai

bataen aap ko kya hai 'matin' ki pahchan

sarapa dard hai taswir-e-yas lagta hai