hamare sath KHuda ho ki hum KHuda ke sath
Interesting Fact
6th May 2004, Lahore
hamāre saath ḳhudā ho ki ham ḳhudā ke saath
magar rahe yahī vābastagī duā ke saath
kashīd karte hue rāhat-e-vajūd-o-adam
diye ke saath rahūñgā na maiñ havā ke saath
na.e gulāb kareñge mukālima kis se
nikal paḌūñgā chaman se agar sabā ke saath
chhalak na jaa.e kahīñ sāġhar-e-matā-e-hosh
rahūñgā aaj kisī dard-āshnā ke saath
fishār-e-zabt se rukne lagī hai saañs mirī
muqābla hai kisī sabr-āzmā ke saath
pasand haiñ mujhe multān ke dar-o-dīvār
nigār-ḳhāna-e-istaḳhar-o-nainvā ke saath
usī charāġh se nisbat rakhūñ abhī 'sājid'
ki dil lagā.ūñ kisī aur dil-rubā ke saath
hamare sath KHuda ho ki hum KHuda ke sath
magar rahe yahi wabastagi dua ke sath
kashid karte hue rahat-e-wajud-o-adam
diye ke sath rahunga na main hawa ke sath
nae gulab karenge mukalima kis se
nikal paDunga chaman se agar saba ke sath
chhalak na jae kahin saghar-e-mata-e-hosh
rahunga aaj kisi dard-ashna ke sath
fishaar-e-zabt se rukne lagi hai sans meri
muqabla hai kisi sabr-azma ke sath
pasand hain mujhe multan ke dar-o-diwar
nigar-KHana-e-istaKHar-o-nainwa ke sath
usi charagh se nisbat rakhun abhi 'sajid'
ki dil lagaun kisi aur dil-ruba ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
